Sangsangkamaysa nga inaprobaran ti Kamara ti gakat a mangpatibker ken mangpabaro iti Philippine Coast Guard (PCG) iti panangsalaknib daytoy iti teritorio ken kalintegan ti Filipinas.
Inanamongan dagiti 183 a Diputado ti House Bill (HB) No. 10841 iti maikatlo ken maudi a pannaibasa daytoy iti plenario itay Septiembre 19, 2024.
Panggep ti HB No. 10841 a waswasen ti Republic Act (RA) No. 9993, wenno ti Philippine Coast Guard Law of 2009.
Sagudayen ti HB No. 10841 dagiti maisingasing a polisia ken pannakareporma ti PCG tapno ad-adda a bumileg daytoy iti panangtungpalna iti pagrebbenganna a mangsalaknib iti kinatalged, seguridad, ken ti aglawlaw.
Pakaisukatan ti Doliar iti Pisos iti Nobiembre 25, 2024
Babaen ti HB NO 10841, mabuangay ti PCG Modernization Trust Fund a mailatang para iti modernisasion daytoy.
Ipaay ti HB 10841 ti sueldo, hazard pay, ken dadduma pay a benipisio ken allowance kadagiti kameng ti PCG a maitunos iti salary grade ken ranggo dagiti kameng ti Armed Forces of the Philippines (AFP). (Dexter Barro II/Manila Bulletin//Lito Hilidon/Bannawag)
