Awan ti makunkuna nga "Angels of Death" iti uneg ti solar ti Kingdom of Jesus Christ (KOJC), segun ken ni Atty. Israelito Torreon nga abogado ni Pastor Apollo Quiboloy.
Itay kallabes, imbatad ti Philippine National Police (PNP) nga immay kadakuada ti lima a dati a kameng ti KOJC nga agkunkuna nga inabuso ida ni Quiboloy, ket saanda a nagipulpulong kadagiti autoridad idi ta amangan no balsen ida dagiti "Angels of Death."
Iti panagsaona iti DZAR 1026 News, kinuna ni Torreon a saan a pudno ti ibagbaga ti PNP nga adda "Angels of Death" iti KOJC, ket padpadaksenda laeng ti KOJC ken ni Quiboloy.
Kinuna ni Torreon a no pudno nga adda "Angels of Death," inaramat koman dagitoy ti KOJC bayat ti kaadda ti PNP iti solarda.
Ruth Padilla, agngayangay a kas Diputado ti Nueva Vizcaya
Innayon ni Torreon nga idarumda dagiti nangmulit iti reputasion ni Quiboloy ken ti entero a KOJC. (Ivy Tejano/Manila Bulletin//Lito Hilidon/Bannawag)
