Kinarit ni hepe ti Philippine National Police (PNP) Gen. Rommel Francisco Marbil itay Septiembre 19, 2024 ti maysa nga opisial ti Philippine Amusement and Gaming Corporation (PAGCOR) nga inagananna ti dati a hepe ti PNP a timmulong iti panaglibas ni Alice Guo iti Filipinas.
Iti imbestigasion ti Senado mainaig iti Philippine Offshore Gaming Operator (POGO), impalgak ni Pagcor Vice Chairman Raul Villanueva a maysa a dati a hepe ti PNP ti timmulong ken ni Alice Guo a makaruar iti Filipinas.
Kinuna ni Heneral Marbil a makadadael iti entero a PNP dagiti sinao ni Villanueva aglalo ta dina innaganan no asino ti dakdakamatenna a dati a hepe ti PNP.
Binilin ni Marbil ti Criminal Investigation and Detection Group (CIDG) a makiuman iti PAGCOR tapno makaalada iti ad-du pay nga impormasion.
Ilalaka ti presio dagiti serbisio ken magatgatang, bimmaba iti 1.9% idi Septiembre
Innayon ni Marbil ang idarumda ni Villanueva no dina mainaganan ken mapaneknekan ti imbagana iti Senado. (Aaron Rercuenco/Manila Bulletin//Lito Hilidon)
