Gapu iti kaadu ti bagas nga inangkat ti pagilian, agalen dagiti mannalon ti PhP4 agingga iti PhP5 iti kada kilo a bimmabaan ti presio ti irik, segun iti grupo dagiti mannalon a Samahang Industriya ng Agrikultura (SINAG).
Dinillaw ni Executive Director ti SINAG Jayson Cainglet a nupay limmaka ti irik, nangina met latta ti magatang a bagas, gapu iti dakkel a maganansia dagiti agang-angkat iti bagas iti pagilian.
Segun iti datos ti Department of Agriculture (DA) itay Septiembre 19, mapan a PhP42 agingga PhP65 ti kada kilo ti bagas iti Kamanilaan.
Kinuna ni Cainglet nga adda 800,000 a metrika tonelada a bagas nga inangkat ti pagilian iti nababa a buis wenno taripa.
Ruth Padilla, agngayangay a kas Diputado ti Nueva Vizcaya
Itay Hunio 20, impaulog ni Presidente Ferdinand Marcos Jr. ti Executive Order (EO) 62 a nangipababa iti taripa manipud iti 35 a porsiento, nagbalin a 15 a porsiento.
Segun ken ni Cainglet, nupay ti NEDA (National Economic and Development Authority) ti nangilungalong iti pannakaipababa ti taripa, ti DA ita ti agparikut no kasano a palakaen ti presio ti bagas. (Jel Santos/Manila Bulletin//Lito Hilidon/Bannawag)
