Adda iti sidong ti Philippine National Police (PNP) ti maatap a dati a kameng ti makunkuna nga “Angels of Death” a private army ni daulo ti Kingdom of Jesus Christ (KOJC) Apollo Quiboloy.
Kinuna ni Police Col. Jean Fajardo itay Septiembre 20, 2024 a pinatalgedan dagiti kameng ti "Angels of Death" ti impormasion nga inruar ti PNP a maar-aramat ti grupo a pamutbuteng ni Quiboloy kadagiti ubbing a biktimana.
Segun iti PNP, ti impormasion nga imbutaktak dagiti dati a kameng ti "Angels of Death" ti mangpatalged iti testimonia dagiti biktima ni Quiboloy.
Kinuna pay ni Fajardo nga adda pay dati a kameng ti "Angels of Death" a kayatda ti rummuar ngem agbutengda gapu iti pangta iti seguridadda. (Martin Sadongdong/Manila Bulletin//Lito Hilidon/Bannawag)
