Nagipigket dagiti agtutubo a kameng ti Akbayan Party kadagiti “Wanted” posters ni dati a Presidential spokesperson Harry Roque iti Kalayaan Plaza, Barangay Central, Quezon City idi kalman, September 20
Nailanad kadagiti poster ti “WANTED, Harry Roque POGO lawyer” iti aglawlaw ti tiendaan ken naibunong pay dagiti poster kadagiti residente, drayber ti traysikel, ken aglaklako iti nasao a lugar.
Kiniddaw ti grupo ti isusuko ni Roque kalpasan ti panangibilin ti House Quad-Committee iti pannakatiliwna iti dina panangtungpal iti subpoena order ti komite.
Kinuna ni Akbayan Youth secretary general Khylla Meneses a masapul a sumuko ni Roque tapno sanguenna ti komite.
Australiano, 2 pay, natiliw gapu iti bogus a doliar
Sakbayna, imbilin ni Philippine National Police (PNP) chief Gen. Rommel Francisco Marbil ti pannakabukel dagiti tracker team a mangsapul ken mangiserbi iti warrant arrest ti House of Representatives kontra ken ni Roque kalpasan a di nagparang daytoy iti hearing ti House Quad-Committee ken iti dina panangidatag kadagiti dokumento a mainaig iti idadakkel ti kinabaknangna. (Allysa Nievera/ Manila Bulletin// Cles Rambaud/ Bannawag)
