Nagbalinen a paglintegan kalpasan a pirmaan ni Presidente Ferdinand R. Marcos Jr. (PBBM) ti Republic Act (RA) No. 12021, wenno ti Akta a mangipapaay iti Magna Carta of Filipino Seafarers iti Malakanyang ita, Septiembre 23, 2024.
Ti Magna Carta of Filipino Seafarers ti mangsalaknib iti kalintegan ken pagimbagan dagiti Filipino a marino iti pagilian wenno iti ballasiw-taaw, ken mangitandudo iti naan-anay a panggedanda.
Babaen daytoy a linteg, maipaayan dagiti Filipino a marino iti naan-anay nga edukasion, panagsanay, ken programa nga agpaay kadagiti kadete tapno sumayaat ti kinamarinoda.
Pagtutunosen daytoy a linteg dagiti pagalagadan ti Commission on Higher Education (CHED), Department of Foreign Affairs (DFA), Maritime Industry Authority (MARINA), Philippine Coast Guard (PCG), Department of Labor and Employment (DOLE), ken ti Department of Migrant Workers (DMW).
Pakaisukatan ti Doliar iti Pisos iti Nobiembre 25, 2024
Panggep pay ti RA No. 12021 ti pannakaipasdek iti mekanismo, pagannurotan, ken proseso tapno masinunuo ti nainkalintegan, napardas, patas, ken umno a panangipatungpal iti pannakaipaay iti sueldo, nadumaduma a benipisio, agraman ti death ken disability claim dagiti marino. (Darryl John Esguerra/PNA//Lito Hilidon/Bannawag)
