Namnamaen ni Diputado Joey Salceda ti maikadua a distrito ti Albay a magun-od ti Filipinas ti "A-level" credit rating sakbay nga aggibus ti panagtakem ni Presidente Bongbong Marcos Jr. inton 2028.
Nadakamat ni Salceda, a maysa met nga ekonomista, daytoy a padtona idi Lunes, Septiembre 23, kalpasan a pinasingkedan ti credit rating agency a Moody’s ti investment grade rating ti Filipinas a Baa2.
Kinunana a gapu iti napintas a panangimanehar ti Presidente iti ekonomia, nataginayon a napigsa ti namnama ti pagilian iti laksid ti agbaliwbaliw a kasasaad ti sangalubongan.
“Siguradoak a ngumato ti rating ti Filipinas manipud kadagiti Big Three inton umay a tawen,” innayon ni Salceda. Ti S&P, Moody’s, ken Fitch dagiti dakdakamatenna.
Australiano, 2 pay, natiliw gapu iti bogus a doliar
Idi napan a bulan, inngato ti Rating and Investment Information, Inc. (R&I) a nakabase idiay Japan ti rating-na iti Filipinas iti “A” manipud iti “BBB+” nga addaan iti positive outlook. (Ellson Quismorio/MANILA BULLETIN)
