Awan ti naperhuisio a pasahero iti umuna ng aldaw ti panagwelga ti dua a kadakkelan a grupo ri transportasion iti Metro Manila ken iti dadduma a paset ti pagilian, kas kinuna ti Land Transportation Franchising and Regulatory Board (LTFRB) ita, Septiembre 23, 2024.
Rinugian ti grupo a Manibela ken Piston ti dua-aldaw a panagwelga kas panangsupiatda iti pannakaipatungpal ti Public Transportation Modernization Program (PTMP).
Segun iti paliiw ni Chairman ti LTFRB Teofilo Guadiz III, awan ti nasirarakanda a pasahero a narigatan nga aglugan kas iti gagangay a mapaspasaranda iti inaldaw.
Kinuna met ni Undersecretary ti Department of Transportation (DOTr) Andy Ortega nga aawan ti nakitada a naranggas a pasamak gapu iti panagwelga, kangrunaan iti panangsalaknib ti polis kadagiti drayber a saan a nakikadua kadagiti nagwelga. (Aaron Recuenco/Manila Bulletin//Lito Hilidon/Bannawag)
