Pinakdaaran ti Embahada ti Filipinas iti Beirut dagiti Filipino nga adda iti Abagatan a Lebanon nga agannad ken agridamda iti ania man a mabalin a mapasamak gapu iti tignay ti Israel maibusor iti grupo a Hezbollah a nangpapatay iti nasurok a 400 a katao.
Segun iti Health Ministry ti Lebanon, agdagup iti 492 a katao ti natay, a pakairamanan ti 35 nga ubbing ken 58 a babbai, idinto a 1,645 ti nadangran kalpasan ti airstrike nga inwayat ti Israel kontra kadagiti Hezbollah iti abagatan a paset ti pagilian.
Imbalakad ti embahada ti FIlipinas kadagiti FIlipino iti Lebanon nga agtalinaedda iti uneg ti pasdek agingga a sumardengen ti panagbomba ken agtalnan ti situasion.
Iti kaso ti emerhensia, mabalin a kontaken ti telepono ti Migrant Workers Office 79 110 729 wenno ti Embassy Assistance-to-Nationals 70 858 086. (Joyce Ann L. Rocamora/PNA//Lito Hilidon/Bannawag)
