Maysa a barangay chairman ken anakna a lalaki ti natay a napaltogan iti Barangay Lapting, San Juan, Ilocos Sur,idi rabii ti Lunes, Septiembre 23.
Innaganan dagiti polis dagiti biktima a ni Kapitan ti Barangay Bello Joseph Padua Valorozo, 52, ti Brgy. Caronoan, San Juan, Ilocos Sur, ken ti anak daytoy a ni Jumar Sotelo Valorozo, 24.
Maibatay iti pakauna nga imbestigasion, naammuan a nakalugan dagiti biktima iti maysa a van iti nalabes nga alas siete ti rabii iti Barangay Lapting idi adda maysa a lalaki a nakamotorsiklo a nangpaltog kadakuada.
Naisadsad ti luganda iti sango ti maysa a hardware store.
Ruth Padilla, agngayangay a kas Diputado ti Nueva Vizcaya
Naideklarar a natay dagiti biktima kalpasan ti pannakaitarayda kadagiti ospital iti daytoy a probinsia.
Isaysayangkat agingga ita ti polisia ti imbestigasion mainaig iti nasao a pammapatay (Tristan Lozano/Manila Bulletin// Cles B. Rambaud/Bannawag)
