Saanen nga ituloy ti Criminal Investigation and Detection Group (CIDG) ti imbestigasion iti pannakairaman ti dati a hepe ti Philippine National Police (PNP) iti panaglibas ni Alice Guo iti pagilian.
Segun ken ni hepe ti CIDG Maj. Gen. Leo Francisco, inaklon ni Senior Vice president ti Philippine Amusement and Gaming Corporation (PAGCOR) Raul Villanueva a sayangguseng laeng ti insalaysayna iti Senado a maysa a dati a hepe ti PNP ti nangtulong ken ni Guo.
Impudno ni Villanueva daytoy kalpasan a nagpatangda ken ni Francisco, kas imbilin ni hepe ti PNP Gen. Rommel Marbil.
Kinuna ni Francisco nga ilawlawagto ni Villanueva daytoy iti sumaruno a bista mainaig iti panaglibas ni Guo.
Ruth Padilla, agngayangay a kas Diputado ti Nueva Vizcaya
Itay Septiembre 22, kinarit ti grupo a Council of Chiefs ni Villanueva nga inagananna ti dinakamatna a dati a hepe ti PNP. Kiniddawda pay ti panagpadispensar ni Villanueva no dina mapaneknekan ti sinaona iti Senado. (Aaron Recuenco/Manila Bulletin//Lito Hilidon/Bannawag)
