Idatag ti Police Regional Office-11 (PRO-11) ti kaso maibusor kadagiti opisial ken kameng ti Kingdom of Jesus Christ (KOJC) a nanglapped kadakuada iti panangipatungpalda iti arrest warrant ni Pastor Apollo C. Quiboloy ken dagiti kakaduana.
Segun ken ni hepe ti PRO-11 Brig. Gen. Nicolas Torre III, 200 a kaso ti mabalinda nga ipila kadagiti tattao a nakipaset iti panangilemmengda kadagiti autoridad ken ni Quiboloy bayat ti 16-aldaw nga operasion ti PNP iti solar ti KOJC.
Nangrugi ti operasion ti PRO-11 idi Agosto 24 ket naileppas idi Septiembre 8 kalpasan a nakemmegda ni Quiboloy ken uppat a kakaduana.
Maidarum dagiti opisial ken pasurot ni Quiboloy iti kaso a disobedience to a person in authority, direct assault, slander, sedition ken inciting to sedition segun iti Revised Penal Code, ken obstruction of justice kas maibatay iti Presidential Decree (PD) 1829. (Antonio Colina IV/Manila Bulletin//Lito Hilidon/Bannawag)
