Kinompirmar ti Department of Health (DOH) itay Septiembre 24, 2024 nga insingasing ti Benefits Committee (BenCom) ti Philippine Health Insurance Corporation (PhilHealth) a maikkaten ti pagannurotan a "single period of confinement."
Kalpasan ti panagpatang dagiti kameng ti BenCom ken ni Secretary ti DOH Teodoro J. Herbosa, inkeddeng ti BenCom nga isingasing daytoy inton sumaruno a panagtataripnongda inton Septiembre 27.
Maibatay iti All Case Rates (ACR) Policy No. 2 ti PhilHealth (PhilHealth Circular No. 0035, s. 2013), sagudayen ti single period of confinement a saan a sungbatan ti PhilHealth ti pannakai-confine manen ti pasiente iti isu met laeng a sakit wenno medical procedure iti las-ud ti 90 nga aldaw.
Inlawlawag ti DOH a gapu itoy a paglintegan, 26,750 a claim ti saan a napatgan idi laeng 2023.
Ruth Padilla, agngayangay a kas Diputado ti Nueva Vizcaya
Kinuna ni Herbosa a daytoyen ti panawen ti Universal Health Care Act of 2019, ket nasken a maurnos dagiti polisia tapno makissayan ti bayadan dagiti pamilia. (Merlina Hernando-Malipot/Manila Bulletin//Lito Hilidon/Bannawag)
