Kinemmeg ti National Bureau of Investigation (NBI) 2024 ti maatap a kameng ti Abu Sayyaf Group (ASG) a sapsapulen ti autoridad gapu iti adu a kasona.
Binigbig ti NBI ti suspek a ni Mobin Kullin a naarestar idi Septiembre 23, 2024 iti Siudad ti Isabela iti Basilan babaen ti nagtipon a puersa dagiti kameng ti NBI ken ti Philippine National Police (PNP).
Tiniliwda ni Kullin maibatay iti arrest warrant nga impaulog ti dua sanga ti Regional Trial Court (RTC) iti Siudad ti Isabela gapu iti kaso a kidnapping ken serious illegal detention.
Segun iti NBI, dati a kameng ti Abu Sayyaf ti suspek a nairaman iti City of Lamitan Siege idi 2000 ken iti panang-kidnap iti Golden Harvest Plantation (TAIRAN) sadiay Barangay Tumahubong iti Sumisip, Basilan ken Zamboanga Peninsula. (Jeffrey Damicog/Manila Bulletin//Lito Hilidon/Bannawag)
