Agtultuloy ti panang-monitor ti Department of Migrant Workers (DMW) iti situasion dagiti Filipino iti Lebanon gapu iti agsasaruno a pannakabomba daytoy a pagilian.
Segun ken ni Secretary ti DMW Hans Leo Cacdac, awan pay naawatda a report a nadangran nga Overseas Filipino Worker (OFW).
Guyguyugoyen latta ti DMW dagiti OFW iti Lebanon a gundawayanda ti inwayat ti gobierno a repatriation program, ngem kinuna ni Cacdac nga awan pay OFW a nagboluntario nga agawid iti Filipinas.
Impanamnama ni Cacdac a sisasagana ti DMW ken ti Overseas Workers Welfare Administration (OWWA) a mangipaay iti tulong-pinansial kadagiti agawid nga OFW.
'Due process,' naipakat iti pannakaibalud ni Lopez
Iti kaudian a datos ti DMW, mapan a 11,000 a Filipino ti agindeg iti Lebanon. (Rixee Rosel/Manila Bulletin//Lito Hilidon/Bannawag)
