LINGAYEN, Pangasinan— Inarestar dagiti polis idi Mierkoles, Septiembre 25, ti nobio ti natay nga estudiante iti Pangasinan State University gapu iti mapapati a pannakainaigna iti pannakapapatay ti biktima.
Innaganan ni PCol. Jeff Fanged, hepe ti polisia iti Pangasinan, ti suspek a ni Reynald Clave Caracas, 21, adda iti maikapat a tukad ti Industrial Technology iti PSU-Lingayen ken agnaed iti Barangay Toritori, Anda, Pangasinan.
Kinuna ni Fanged a naarestar ti sukpek babaen ti Special Investigation Task Group a binukelna a mangsolbar iti pannakapapatay ni Evalend Cervera Salting, 21, adda iti maikatlo a tukad ti Business Administration iti PSU-Lingayen.
Segun iti polisia, nadiskobre ni John Karlo Salvador Ramos, 35, ti Barangay Poblacion, daytoy met laeng nga ili, ti bangkay ti biktima bayat ti panagpagnapagnana a kaduana ti pamiliana idi rabii ti Martes, Septiembre 24.
'Due process,' naipakat iti pannakaibalud ni Lopez
Naireport met a mapukpukaw ni Salting idi rabii ti Lunes, Septiembre 23.
Isagsaganan ti polisia ti kaso nga ipilada kontra iti suspek iti Office of the Provincial Prosecutor. (Liezle Basa Iñigo/Manila Bulletin// Juan A. Asuncion/Bannawag)
