Inanamongan dagiti kameng ti Kamara ti PhP6.352 a trilion a General Appropriations Bill (GAB) para iti 2025, iti maikatlo ken maudi a pannakaibasa daytoy itay Septiembre 25, 2024.
Adda 285 a diputado nga immanamong iti House Bill (HB) No.10800, idinto a tallo ti saan nga immanamong. Awan ti di nagbotos.
Inanamongan met ti Kamara ti singasing ni Chairman ti Appropriations Committee Diputado ti Ako-Bicol Party-list Zaldy Co a maikkan ti Office of the Vice President (OVP) iti badiet a PhP733 a milion, kas iti badiet idi ni dati a Bise Presidente Leni Robredo.
Mayawat iti Senado ti impaulog ti Kamara a 2025 GAB, idinto nga aginana dagiti mammanday-linteg agingga inton Nobiembre 4.
'Due process,' naipakat iti pannakaibalud ni Lopez
Ti 2025 GAB ti maudi a badiet nga ipaulog ti maika-19 a Kongreso. (Ellson Quismorio/Manila Bulletin//Lito Hilidon/Bannawag)
