Mangnamnama ti Social Security System (SSS) a manayonan dagiti kamengna iti uppat agingga iti lima a milion a self-employed ken OFW iti panaggibus ti 2024.
Iti maysa a pakaammona, kinuna ni SSS president ken chief executive Rolando Ledesma Macasaet nga agingga idi Hulio itoy a tawen, addan nairehistro ti SSS a 2.4 a milion a baro a kameng, wenno nagun-oden ti SSS ti tinawen a target daytoy.
Kinuna ketdi ni Macasaet a saan nga agsardeng ti SSS iti dayta a bilangno di ket panggepda nga agbalin a kameng ti SSS amin a mangmangged a Filipino.
Manipud iti Enero agingga iti Hulio 2024, kinunana nga iti nairehistro a 2.4 a milion a baro a kameng, nagun-od ti SSS ti 165 a porsiento a nginatuan dagiti kamengna manipud iti 923,000 a baro a kameng a nairehistro iti isu met laeng a panawen idi 2023.
PSC, naka-red alert; seguridad ni Marcos, nadoble kalpasan ti pangta ni Duterte
Innayon ni Macasaet a gagangaya maysa a milion laeng ti mainaynayon a baro a kameng ti SSS iti tunggal tawen. (Derco Rosal/ Cles B. Rambaud/Bannawag)
