Kasta unay ti pannakarurod dagiti sumagmamano a kameng ti Kamara gapu iti di panangikankano ni Bise Presidente Sara Duterte iti plenario ti Kamara, ket insingasingda a didan ikkan ti badiet ti Office of the Vice President (OVP) para iti 2025.
Daytoy ti kinuna ni Speaker ti Kamara Martin Romualdez itay Septiembre 25, 2024 kabayatan ti pannakadiskutir ti General Appropriations Bill (GAB) para iti 2025.
Segun ken ni Romualdez, adda pay nangisingasing a maksayan pay koma ti pondo ti OVP, ngem saanna nga inanamongan dagitoy.
Kinuna ni Romualdez a maawatanna ti rikna dagiti diputado ngem patienna a masapul latta a maikkan iti umno a badiet ti OVP tapno makapagserbi latta daytoy kadagiti umili.
Ruth Padilla, agngayangay a kas Diputado ti Nueva Vizcaya
Sinuportaran ni Romualdez ti singasing ti Committee on Appropriations a maikkan ti OVP iti badiet a PhP733 a milion, ket inanamongan met daytoy ti Kamara.
Ti naikkat a pondo ti OVP ket mayakar iti AICS (Assistance for Individuals in Crisis Situation) a programa ti DSWD (Department of Social Welfare Department) ken iti MAIFIP ( Medical Assistance to Indigent and Financially Incapacitated Patients) a programa ti Department of Health. (Ellson Quismorio/Manila Bulletin//Lito Hilidon/Bannawag)
