Awan ti suportaran ni Bise Presidente Sara Duterte a kandidato iti ania man a posision ta ipangpangrunana a depensaan ti Office of the Vice President (OVP) a begbegbegen ita ti kontrobersia mainaig iti mapapati a di umno a pannakaaramat ti pondo ti publiko.
Daytoy ti kinuna ni BP Duterte bayat ti press conference itay Septiembre 25, 2024 iti panangsungbatna kadagiti nadumaduma nga isyu maipanggep kenkuana ken iti OVP.
Ngem namnamaen ni BP Duterte nga addan orasna nga agkampania inton Pebrero ti umay a tawen.
Babbabalawen dagiti kameng ti Kamara ti OVP gapu iti dina panangidepensa iti PhP2.037 a bilion a singasing a badiet daytoy para iti 2025.
Ruth Padilla, agngayangay a kas Diputado ti Nueva Vizcaya
Im-imbestigaren ita ti Good Government Committee ti Kamara ti OVP, agraman ti Department of Education (DepEd) a dati a nagakman ni BP Duterte, gapu iti mapapati a di umno a pannakausar dagiti pondo. (Raymund Antonio/Manila Bulletin//Lito Hilidon/Bannawag)
