Maysa a content creator-vlogger ti napapatay kalpasan a napaltogan iti Barangay Palaming, San Carlos City, Pangasinan itay Septiembre 25, 2024.
Binigbig ti polisia ti biktima a ni Goddard Gabriel Zacarias Manese, 30, ti Barangay Calomboyan itoy nga ili.
Segun iti imbestigasion, nakalugan ni Manese iti motorsiklo a manmanehuen ni Sean Scallia Lomibao Aguilar idi adda dua a lallaki a nakalugan iti motor nga immasideg kadakuada.
Maysa kadakuada ti nangpaltog ken ni Manese, sa naglibasda a nagturong iti Barangay Mamarlao.
PSC, naka-red alert; seguridad ni Marcos, nadoble kalpasan ti pangta ni Duterte
Napuntaan ti ulo ti biktima a naitaray iti ospital ngem naideklarar a natayen.
Adda ni Manese iti lugar tapno mangaramid iti video para iti vlog-na idi napaltogan.
Kinuna ti polisia a kuarta wenno bambanag a nairanta a naikabil iti no sadino a lugar a kayatna a masarakan dagiti viewers-na ti linaon ti vlog ni Manese.
Iwaywayat ti polisia ti follow-up investigation.
(Liezle Basa Iñigo/Manila Bulletin//Lito Hilidon/Bannawag)
