ALFONSO CASTAÑEDA, Nueva Vizcaya – Tallo katao ti nasugatan bayat ti ilalasatda iti maysa a hanging bridge iti Sitio Diogan, Barangay Abuyo, itoy nga ili, idi bigat-kalman, Sept. 26.
Nagsat ti hanging bridge bayat ti ilalasat ti ag-43 nga estudiante ken pito a mannursuro manipud iti Abuyo National High School bayat ti panagturongda iti Sitio Diogan a pakaangayan ti intramurals.
Naipan iti ospital dagiti tallo a nadunor—dua a babbai ken maysa a lalaki. Dagiti dadduma, naipanda iti Rural Health Unit tapno matsek-apda ngem napagawidda met laeng kalpasanna.
Am-ammuen pay laeng ti LGU no mano a talaga ti nairaman a nasaktan iti nasao nga insidente.
Ruth Padilla, agngayangay a kas Diputado ti Nueva Vizcaya
Kuna dagiti autoridad a mapan a tallo agingga iti uppat a metro ti kangato ti rangtay manipud iti danum ket mapapati a nagsat daytoy gapu iti kinadagsen dagiti nagdudupudop a bumallasiw koma iti karayan. (Freddie Lazaro/ Manila Bulletin// Cles B. Rambaud/Bannawag)
