Pimmusay ni Haponesa a kumakanta ken kompositor Sayuri idi Sept. 20 gapu iti sakit.
Agtawen iti 28.
Impakaammo ni Amaarashi, maysa met a musician, asawani Sayuri, ti ipupusay daytoy iti X (dati a Twitter) itoy nga aldaw, Sept. 27.
“Kayatko nga ipakaammo kadagiti amin a nangsupsuportar ken ni Sayuri a pimmusay ni Sayuri idi Septiembre20 iti tawenna a 28,” kinuna ni Amaarashi iti paskilna iti X.
PSC, naka-red alert; seguridad ni Marcos, nadoble kalpasan ti pangta ni Duterte
Innayonna, “Dagiti laeng kakabagianna ken dadduma a kasingedna ti timmabuno iti pumponna, kas kiniddaw ti pamiliana.Agyamankami unay iti kinamanangngaasiyo ken ni Sayuri idi adda pay itoy a biag, ket kiddawenmi koma ti panangikarkararagyo iti kararuana.”
Iti sabali a paskil, kinunana, “Nagtalinaed ti panangay-ayat ni Sayuri ti musika agingga iti maudi inga angesna, bayat ti pannakirangetna iti sakitna.”
Idi Hulio itoy a tawen, impakaammo ni Sayuri kadagiti fans-na a natakuatan nga agsagsagaba isuna iti functional dysphonia.
Mainanaig ti functional dysphonia iti pannakaapektar ti boses.
Gapuiti daytoy, inkeddeng ni Sayuri ti aginana iti panagkankantana.
Nausar ti maysa kadagiti kantana, ni “Mikazuki” iti Japanese anime a “Rampo Kitan: Game of Laplace, Mikazuki” ken ti kantana nga "It's like a small light" para iti “Erased.” (Jonathan Hicap/Manila Bulletin// Cles B. Rambaud/Bannawag)
