Marigatan ti gobierno ti Filipinas a mangkombinsir kadagiti Overseas Filipino Workers (OFW) idiay Lebanon nga agsublidan iti pagilian bayat ti agtultuloy a panangbomba ti Tel Aviv iti Lebanon, a mangparnuay iti pagbutbutngan a riri iti rehion.
Saan laeng ngamin a dagiti Hamas a nakabase iti Palestine ti kabusor ti Israel.
Iti agdama, makigubgubat ti Israel iti dua a grupo ti rebelde: ti grupo a Houthis a nakabase iti Yemen ken ti Hezbollah a nakabase ti Lebanon, nga agpada a makisimsimpatia kadagiti Palestino.
Pinakdaaranen ti Department of Foreign Affairs (DFA) ken ti Philippine Embassy iti Beirut ti 11,000 a Filipino iti Lebanon a gundawayandan ti repatriation nga ididiaya ti gobierno; ngem manmano laeng kadakuada ti kayatna ti agawid.
PSC, naka-red alert; seguridad ni Marcos, nadoble kalpasan ti pangta ni Duterte
Kinuna ni Philippine Ambassador iti Lebanon Raymond Balatbat a kaaduan nga OFW a dida kayat ti agawid dagiti nabayagen sadiay a nakapalabasen iti adu a gubat.
Segun ken ni Balatbat, iti panunot dagiti OFW, kaykayatda ti makigasanggasat sadiay ngem ti agawid iti Filipinas.
Innayon pay ni Undersecretary ti DFA Eduardo de Vega nga iti biang dagiti OFW, naim-imbag ti matay iti gubat ngem ti matayda iti bisin iti Filipinas. (Joseph Pedrajas/Manila Bulletin//Lito Hilidon/Bannawag)
