Nagballigi ti Armed Forces of the Philippines (AFP) a nangiwayat iti rotation and reprovision (RORE) mission para iti BRP Sierra Madre iti Ayungin (Second Thomas) Shoal iti West Philippine Sea (WPS) itay Septiembre 26, 2024.
Saan a nangipaay ti AFP iti dadduma pay detalye ti RORE mission, kas paset ti estratehia daytoy tapno di maammuan ti China ti tignayda, malaksid iti panangsuporta ti Philippine Coast Guard (PCG).
Naiparang iti maysa a video a naipaskil iti Social media account ti AFP, ti M/V Lapu-Lapu, maysa a civilian patrol vessel ti immasideg iti BRP Sierra Madre bayat ti RORE mission.
Segun ken ni spokesperson ti AFP Col. Francel Margareth Padilla, saan a nababbaba iti walo ti bapor ti China a nasaripatpatan iti Ayungin Shoal, ngem saan daytoy a nakibiang iti operasion ti militar.
PSC, naka-red alert; seguridad ni Marcos, nadoble kalpasan ti pangta ni Duterte
Iti laksid ti kaadda ti bapor ti China, nagtuloy latta ti RORE mission ket naitedda dagiti kasapulan a suplay dagiti soldado iti BRP Sierra Madre. (Martin Sadongdong/Manila Bulletin//Lito Hilidon/Bannawag)
