Pinalagipan ti Department of Migrant Workers (DMW) dagiti Filipino a caregiver a maipan iti South Korea babaen ti Pilot Foreign Caregiver government-to-government hiring program a tungpalenda ti immigration law ti papananda a pagilian.
Iti maysa nga interbiu, kinuna ni DMW Secretary Hans Leo Cacdac a maseknan daytoy kalpasan a makaawat iti report a dua a Filipino a caregiver ti saanen a nagsubli iti trabahoda kalpasan ti holiday iti South Korea.
Rimmuar ti dua a caregiver idi Septiembre 15 bayat ti pannakarambak ti Huseok (Korean Thanksgiving) holiday. Saanen a nagsubli dagiti dua a caregiver sipud idi Septiembre 28 ket saan pay ida a makontak agingga ita.
Nairamanda iti grupo ti 100 a naipan iti South Korea idi Agosto babaen ti Employment Permit System pilot project.
Valdez, Opinaldo, Padios, nangabak iti Maika-72 a Palanca Memorial Awards for Literature
Opisial a maibilangda a kas illegal immigrant ken maparitandan nga agtrabaho iti sidong ti Ph-Korea program.
Makitintinnulongen ti DMW iti Korean immigration ket indagadagda kadagiti dua a caregiver ken dagiti pamiliada nga umumanda iti Philippine Migrant Workers Office iti Seoul. (Marita Moaje/PNA//Lito Hilidon/Bannawag)
