Naipila ti kaso a frustrated murder kontra ken ni basketbolista ti PBA John Anthony "Walker" Amores ken ti kabsatna a lalaki idi Septiembre 26, Huebes, iti opisina ti piskal ti probinsia iti Santa Cruz, Laguna, ngem imbaba daytoy ti piskalia iti frustrated homicide.
Naipila ti kaso maysa nga aldaw kalpasan ti pannakapaltog ti maysa a seaman a maipagarup a maigapu iti panagriririda bayat ti maysa nga ay-ayam iti basketbol iti Lumban, Laguna.
Impila ti biktima, ni Lee Lumangaya Cacalda, 32, naasawaan, ti Barangay Maytalang 1, Lumban, ti reklamonaiti opisina ni Prosecutor Maria Victoria B. Cayaba a nangibaba kalpasanna manipud iti frustrated murder iti frustrated homicide.
Naidarum met iti pananglabsing iti Article 19 ti Revised Penal Code (accessory to the crime) ti kabsat ni John Anthony a ni John Red Amores.
Ruth Padilla, agngayangay a kas Diputado ti Nueva Vizcaya
Pinaputokan dagiti agkabsat nga Amores ni Cacalda iti agalas-6 iti sardam ti Septiembre 25 iti Brgy. Maytalang 1, kalpasan ti panagriririda bayat ti panagbabasketbolda.
Simmuko dagiti agkabsat iti Lumban police iti agarup alas dos iti parbangon ti Septiembre 26.
Naituding ti piansa a PhP24,000 para ken ni John ken PhP10,000 iti kabsatna.
Nawayawayaan dagiti agkabsat kalpasan ti panagpiansada. (Danny Estacio/Manila Bulletin// Cles B. Rambaud/Bannawag)
