Iti umay a Nobiembre, maipabuya iti Disney+ ti Korean crime drama a napauluan iti “Gangnam B-Side,” a pagbidaan da Ji Chang-wook ken Jo Woo-jin.
Sakbayna, maipabuya ti “Gangnam B-Side” iti 2024 Busan International Film Festival (BIFF).
Iti pelikula, ni Ji Chang-wook ti agakem a back-alley enforcer a managan iti Yoon Gilho idinto a Jo Woo-jin ti agakem a kas detective Kang Dong-woo.
Gurguraen dagiti kakaduana iti trabaho ken nayadayo iti bukodna a pamilia, nabigbig ni Kang Dongwoo iti panangpaikkatna kadagiti padana nga opisial gapu iti pammabasol iti korupsion.
Valdez, Opinaldo, Padios, nangabak iti Maika-72 a Palanca Memorial Awards for Literature
Ngem dagiti nabati a padana nga opisial, saandan nga inkankano isuna isu a napilitan a nangawat iti sabali a puesto—ngem iti“ig-igid” laengen.
Nupaykasta, idi agpukaw ti balasang nga anak ti gayyemna, nagsubli tapno isalakanna ti balasang kadagiti gamat ti droga, eksploitasion, ken dadduma pay a peggad.
Maipabuya dagiti umuna a dua iti walo nga episodio ti “Gangnam B-Side” iti Disney+ inton Nob. 6 a sarunuen ti sagdudua nga episidio iti tunggal lawas kalpasanna.
Agparang pay iti pelikula da Ha Younkyoung a kas prosecutor Min Seojin, ken ni Kim Hyung seo nga agakem a kas iti mapukpukaw a balasang a ni Kim Jae hee.
Sinuratni Joo Wonkyu (“Argon,” “The Lies Within”) daytoy a serye ken indirihe ni Park Noori (“Money,” “The Berlin File”). (Jonathan Hicap/Manila Bulletin// Cles B. Rambaud/Bannawag)
