Binilin ti Korte Suprema dagiti amin a trial court a biagenda dagiti kaso a kriminal ken sibil a naipempen, nga adu kadagitoy ti nasuroken a 15 a tawen a saan a naresolbar, tapno maited metten ti hustisia kadagiti agsapsapul maibatay iti patas a hustisia.
Nasurok 455,800 ti kaso a kriminal ken nasurok 13,500 a kaso sibil ti naipempen iti las-ud ti nasuroken sangapulo a tawen manipud pay idi Enero 31, 2023.
Inlawlawag ti Korte Suprema a nupay saan a paset dagitoy ti inventory ti di pay naresolbar a kaso, paset latta ti korte dagitoy ket masapul a maresolbar, kas mayannatup iti linteg.
Impaganetget ti Korte Suprema a ti panangbiag kadagiti naipempen a kaso ken pannakaresolbarda ket paset ti prinsipio ti Timely and Fair Justice segun iti Court’s Strategic Plan for Judicial Innovations 2022-2027.
PSC, naka-red alert; seguridad ni Marcos, nadoble kalpasan ti pangta ni Duterte
Adda nasurok a 2,700 a trial court iti pagilian -- regional trial court, municipal trial court, municipal circuit trial court, municipal trial court kadagiti siudad, metropolitan trial court, ken Shari’ah district ken circuit court. (Rey G. Panaligan/Manila Bulletin//Lito Hlidon/Bannawag)
