Nagyaman ni Presidente Ferdinand Marcos Jr. (PBBM) iti gobierno ti South Korea gapu iti pannakitinnulongna iti panagrang-ay ti Filipinas babaen ti pannakipasetna kadagiti programa ti gobierno nangruna iti sektor ti empraestruktura.
Daytoy ti inyebkas ni Presidente Marcos iti indauluanna a pannakalukat ti Panguil Bay Bridge Project iti Tangub, Misamis Occidental idi Septiembre 27.
Binigbig ni PBBM ti akem ti South Korea iti panagrang-ay ti pagilian kas ipakita ti umad-adu a proyekto a pinonduan daytoy.
Segun ken ni PBBM, adda 21 nga agtultuloy a proyekto ti Filipinas a supsuportaran ti South Korea, ken adda pay dua a madama a pagsasaritaanda. Kinunana a ti dadduma kadagitoy ti maibilang a kadadakkelan a proyekto iti Filipinas. (Argyll Cyrus Geducos/Manila Bulletin//Lito Hilidon/Bannawag)
