Pimmusay ni Socorro Avelino, ad-adda nga am-ammo a Coritha, idi Biernes, Septiembre 27, iti tawenna a 73.
Kinompirmar daytoy ni Chito Santos a partnerna iti pananginterbiu ni Julius Babao kenkuana idi met laeng Biernes.
Nabayag a naidalit ni Coritha. Manipud pannaka-stroke-na, saannan a napasubli ti naan-anay a karadkadna.
Maysa kadagiti kalalatakan a kumakanta idi 1960s ken 1970s, saanto a malipatan dagiti pinalatakna a kankanta a pakaibilangan ti “Oras Na,” “Sierra Madre,” “Si Lolo Jose,” “Habilin” ken “Gising Na, O Kuya Ko.” (Robert Requintina/Manila Bulletin//Juan A. Asuncion/Bannawag)
Lokal
