Gapu iti panagraira ti Avian Influenza (AI) iti France, nangyetnag ti Department of Agriculture iti temporary ban iti importasion iti domestikado ken atap a tumatayab, agraman poultry products, manipud kadagiti pagilian iti Europa.
Impaulog ni DA Secretary Francisco Tiu Laurel Jr. ti Memorandum Order 40 a mangipatungpal iti ban a pakairamanan dagiti saan pay a naparti a manok, day-old chicks, produkto manipud iti manok, by-products, ken semilia.
Naipaulog daytoy a desision kalpasan ti report ti France iti World Organization for Animal Health (WOAH) maipapan iti panagraira ti High Pathogenicity Avian Influenza idiay Saint-Malo, Ille-et-Vilaine, Bretagne idi Agosto 7, 2024. Pinasingkedan dagiti panagsukisok iti laboratorio daytoy, kinuna ti DA.
Maitunos iti bilin, sinuspende met ti Bureau of Animal Industry (BAI) ti pannakaipaulog ti Sanitary and Phytosanitary Import Clearances kadagiti amin a poultry shipment iti manok manipud France.
Mangnamnama ni Marcos iti pannakaisubli ti panangipateg ni Pinoy iti arte a Filipino
Kinuna ti DA a dagiti laeng manok a naparti wenno produkto a naproseso sakbay ti Hulio 25, 2024 ti mapalubosan a sumrek ditoy Filipinas. (Jel Santos/Manila Bulletin//Juan A. Asuncion/Bannawag)
