SANTO DOMINGO, Ilocos Sur – Nasapulanen dagiti autoridad ti bangkay ti maysa a lalaki a nalmes kaduana ti anakna a lalaki iti baybay iti Barangay Calay-ab iti daytoy nga ili.
Kinuna ni Ilocos Sur Provincial Disaster Risk Reduction and Management Officer Rhon Arquelada a nasapulanda ti bangkay ni Rowell M. Paat, 37, manipud iti Barangay Bagong Silang, Quezon City, iti agalas-9 iti bigat ti Domingo, Septiembre 29, iti asideg ti nakasarakanda met laeng iti anakna idi Sabado, Septiembre 28.
Kinuna ni Arquelada nga addan dagiti bangkay iti sidong ti pamiliada.
Maibatay iti imbestigasion, naammuan a napan nagdigos iti baybay dagiti agama ngem inyanud ida ti napigsa a guyod ti danum a nakaigapuan ti pannakalmesda.
Ruth Padilla, agngayangay a kas Diputado ti Nueva Vizcaya
Naalaw dagiti immarayat ti anak ni Rowell a ni Artearchealauz, 16, sumagmamano a minuto kalpasan ti insidente. Naitaray iti ospital ngem saanen a nasalbar dagiti doktor ti biag ti agtutubo. (Freddie Lazaro/Manila Bulletin// Cles B. Rambaud/Bannawag)
