Sisasaganan ti Commission on Elections (Comelec) para iti umuna nga aldaw ti panagipila iti Certificates of Candidacy (COC) inton bigat, Oktubre 1, para iti nailian ken lokal nga eleksion inton Mayo 2025.
Daytoy ti kinuna ni Chairman ti Comelec George Garcia ita, Septiembre 30.
Kiniddaw ni Garcia kadagiti agngayangay a kandidato a tungpalenda dagiti pagannurotan nga ipaulog ti Comelec tapno naurnos ti panagipila iti CoC.
Kinuna ni Garcia a nasken a kompletuen dagiti agipila iti kandidaturada ti amin a rekititos sakbay a mapanda kadagiti bukodda a lugar, ken ti laeng inkeddeng ti Comelec a bilang ti kadua ti mabalin nga ikuyogda.
Ruth Padilla, agngayangay a kas Diputado ti Nueva Vizcaya
Inruaren ti Comelec ti listaan ti lugar a pangipilaan iti CoC iti entero a pagilian, ket makita daytoy iti website ti Comelec.
Innayon ti Comelec nga adda naituding a lugar a pangipilaan iti CoC ta masapul a dagiti agngayangay iti nailian a posision kas iti senador ken party-list ket masapul nga agipilada iti CoC iti Law Department Offsite Office ti Comelec a masarakan iti Manila Hotel. (Dhel Nazario/Manila Bulletin//Lito Hilidon/Bannawag)
