Napigsa nga angin ken nakaro a bayakabak ti mabalin a marikna iti Amianan a Luzon ita, Septiembre 30, iti yaaasideg a panagbalin a Super Typhoon ni Bagyo Julian (internasional a nagan "Krathon"), segun iti Philippine Atmospheric, Geophysical and Astronomical Services Administration (PAGASA).
Maibilang a "Super Typhoon" ni Julian no madanon daytoy ti kapigsa a 185 kilometro tunggal oras, ita a malem wenno rabii ti Lunes.
Iti agdama, adda kapigsa ni Julian a 175 kilometro tunggal oras iti asideg ti sentrona ken pugso a 215 kilometro tunggal oras.
Mabalin a maibayog iti TWCS No. 4 ti kangatuan nga agpang ti ballaag, ngem saanen nga ilaksid ti PAGASA ti posibilidad a mabalin a maibayog ti pakdaar agingga TWCS No. 5.
Valdez, Opinaldo, Padios, nangabak iti Maika-72 a Palanca Memorial Awards for Literature
Agtalinaed iti TWCS No. 4 ti Batanes ken amianan a paset ti Babuyan Island; idinto a TWCS No. 3 kadagiti lugar ti amianan a daya a paset ti Cagayan ken ti natda ti Babuyan Island.
Ti dadduma a paset ti Cagayan, Apayao, Abra, Kalinga, Ilocos Norte, ken amianan a paset ti Ilocos Sur ti adda iti TWCS No. 2.
Agtalinaed ti TWCS No. 1 iti dadduma pay a paset ti Ilocos Sur, La Union, Pangasinan, Ifugao, Mountain Province, Benguet, Isabela, Nueva Vizcaya, Quirino, Aurora, amianan ken daya a paset ti Nueva Ecija, ken Polillo Islands.
Kinuna ni Weather Specialist ti PAGASA Veronica Torres a manamnama a rummuar ni Julian iti Filipinas inton Okt. 1, ngem mabalin nga agsubli inton Okt. 2. (Ellalyn De Vera-Ruiz/Manila Bulletin//Lito Hilidon/Bannawag)
