Winaswas ni Presidente Ferdinand Marcos Jr. (PBBM) ti utang ti 3,527 nga Agrarian Reform Beneficiaries (ARBs) iti Tarlac ket nayawat ti 4,663 a Certificates of Condonation with Release of Mortgage (COCROMs) ita, Septiembre 30.
Iti naangay a seremonia iti Paniqui, Tarlac, winaswas ti COCROM ti PhP124.64 a milion nga utang dagiti mannalon iti gobierno.
Maitunos iti Republic Act (RA) No. 11953, wenno iti New Agrarian Emancipation Act, ikagkagumaanan ti Department of Agrarian Reform (DAR) ti pannakapakawan dagiti di nabayadan a bagi ken interes kadagiti daga a pagtalon a sakupen ti Agrarian Reform Law.
Idi Hulio 7, 2023, pinirmaan ni PBBM ti naamendaran nga Agrarian Reform Law a nangpakawan kadagiti utang dagiti mannalon a benipisiario ti land reform act, ken nangwaswas kadagiti nakapempen a kaso iti korte mainaig kadagiti di pay nabayadan nga utang.
Ruth Padilla, agngayangay a kas Diputado ti Nueva Vizcaya
Panggep ti DAR a mabunongan iti sertipiko ti 300,000 pay nga ARB iti 2025. (Argyll Cyrus Geducos/Manila Bulletin//Lito Hilidon/Bannawag)
