Sangapulo a kameng ti Aegis Juris fraternity ti natakuatan a naglabsing iti Republic Act 8049 wenno iti Anti-Hazing Law gapu iti kontrobersial a pannakatay babaen ti hazing ni Horacio "Atio" Castillo III, a mangal-ala idi iti abogasia iti University of Santo Tomas (UST).
Maibatay iti pangngeddeng ti Manila Regional Trial Court (RTC) 11 ita, Oktubre 1, nasentensiaan iti reclusion perpetua da Arvin Balag, Mhin Wei Chan, Axel Hipe Ralph Trangia, Oliver Onofre, Joshua Macabali, Robin Ramos, Marcelino Bagtang, Hans Rodrigo, ken Jose Salamat.
Idi Septiembre 17, 2017, natay ni Horacio Castillo, 22, gapu iti severe blunt traumatic injuries kalpasan ti maatap a tallo agingga uppat nga initiation rites nga inaramid kenkuana dagiti kameng ti Aegis Juris fraternity. (Diann Ivy C. Calucin/Manila Bulletin//Lito Hilidon/Bannawag)
