Nagbalinen a Super Typhoon ni Bagyo Julian (internasional a nagan "Krathon") bayat a rumrummuar daytoy iti Philippine Area of Responsibility (PAR) ita, Oktubre 1, segun iti Philippine Atmospheric, Geophysical and Astronomical Services Administration (PAGASA).
Addaan ni Julian iti kapigsa a 185 a kilometro tunggal oras iti asideg ti sentrona, ken pugso a 230 kilometro tunggal oras. Nasaripatpatan ti PAGASA ni Julian iti 205 a kilometro iti laud ti Itbayat, Batanes.
Gapu itoy, saanen a naibayog ti Tropical Wind Cyclone Signal (TWCS) No. 5, ti kangatuan a ballaag, ket nagbalin laengen a TWCS No. 2.
Nagtalinaed iti TWCS No. 2 ti Batanes, Babuyan Islands, amianan a paset ti Ilocos Norte, ken amianan a laud ti Cagayan.
Mangnamnama ni Marcos iti pannakaisubli ti panangipateg ni Pinoy iti arte a Filipino
Adda latta iti TWCS No. 1 ti Ilocos Norte, Ilocos Sur, La Union, Pangasinan, Apayao, Kalinga, Abra, Mountain Province, Ifugao, Benguet, dadduma pay a paset ti Cagayan, Isabela, Quirino, Nueva Vizcaya, amianan a paset ti Aurora, ken amianan a paset ti Nueva Ecija.
Manamnama a makaruaren ni Julian iti PAR inton Huebes, Okt. 3. (Ellalyn De Vera-Ruiz/Manila Bulletin//Lito Hilidon/Bannawag)
