Imbilin ni Police Regional Office-1 chief Police Brig. Gen. Lou F. Evangelista ti pannakaipakat ti naig-iget a panag-checkpoint iti Rehion 1 bayat ti panagipila kadagiti certificate of candidacy manipud Oktubre 1 agingga iti Oktubre 8.
Kuna ni Evangelista a naiplastar dagitoy checkpoint manipud iti tengnga ti rabii ti Oktubre 1 kadagiti estratehiko a lugar kas nakasagana a pangtiped kadagiti kriminal nga aktibidad ken tapno masigurado ti panangsurot kadagiti pagalagadan mainaig iti eleksion nga insaad ti Commission on Elections.
Innayonna pay a bigbigen ti Polisia ti kinapateg ti panagipila iti COC ket ipasiguradona iti publiko a mayimplementar ti naiget a panangbantay iti seguridad para iti daytoy ken kadagiti aktibidad a mainaig iti basingkawel, ket maysa daytoy panagbantay kadagiti checkpoint kadagiti maipakat a panagiget.
Agrikrikus ni Evangelista kadagiti opisina ti COMELEC iti rehion para iti natalna a panagipila kadagiti COC.
Ilocos Sur, Umuna a Puesto iti Regional SubayBAYANI Awards
Naideploy dagiti red team kadagiti nadumaduma a probinsia tapno maarisit ti panagsagana dagiti kameng ti PNP a naideploy kadagiti lugar ti checkpoint. (Freddie G. Lazaro/Ariel S. Tabag/MANILA BULLETIN)
