Napakdaaran dagiti Filipino iti Israel nga agtalinaedda kadagiti natalged a lugar kalpasan a pinalusposan ti Iran ti 200 a missile maibusor iti Israel kalpasan ti panangraut ti Israel iti Lebanon.
Kinuna ti Embahada ti Filipinas iti Tel Aviv ita, Oktubre 2, nga agtalinaedda kadagiti natalged a lugar ken sumrekda kadagitoy a lugar apaman a makangngegda iti sirena wenno makaawatda ti pakdaar kadagiti selponda.
Pinalusposan ti Iran dagiti ballistic missile kontra iti Israel kalpasan ti pannakapapatay dagiti tao iti Gaza ken ti daulo ti Hezbollah (ti Lebanon) ken Hamas (ti Palestina), segun iti Islamic Revolutionary Guard Corps (IRGC) ti Iran.
Imballaag pay ti IRGC a sagrapen ti Israel ti "makaduprak" a panagraut no agibales daytoy.
Makabayan bloc, mangipila iti baro nga impeachment complaint kontra ken ni VP Duterte kalpasan ti one-year ban
Napasamak daytoy gapu iti pananggubat ti Israel iti Hamas a grupo politikal iti Palestina. Gapu itoy, nairamanen ti Iran ken Lebanon a bumusbusor iti Israel. (Joseph Pedrajas/Manila Bulletin//Lito Hilidon/Bannawag)
