Maysa nga estudiante a Grade 11 ti natay gapu iti mapapati a hazing a napasamak iti San Anton, San Leonardo, Nueva Ecija, idi Domingo, Septiembre 29, segun iti Philippine National Police (PNP).
Nabigbig ti biktima a ni Ren Joseph Bayan, 18, agbasbasa iti San Pablo National High School ken agnanaed iti Barangay San Pablo, Jaen, Nueva Ecija.
Iti panangimbestigar ti polisia, kinuna ti ikit ti biktima a naibaga kenkuana ni Ren Joseph nga angayen ti fraternity a Tau Gamma Phi ti final initiation rite daytoy iti Barangay San Anton, San Leonardo iti Septiembre 29.
Iti agarup alas singko iti malem iti dayta nga aldaw, intulod ti dua a kameng ti fraternity a naammuan a da Baron Cabado ken Patrick Guinto ti bagi ni Ren Joseph iti pagtaengan ti biktima iti Barangay San Pablo. Pimmanaw a dagus dagiti dua kalpasan a maitulodda ti bagi ti biktima.
Ruth Padilla, agngayangay a kas Diputado ti Nueva Vizcaya
Sapsapulenen dagiti pannakabagi ti linteg dagiti nasao a dua a kameng ti fraternityi.
Nadundunor ti lupluppo ken bagi ti biktima. Nagkiddaw ti Jaen PNP iti Nueva Ecija Provincial Forensic Unit para iti pannakautopsia ti bangkay ti biktima. (Freddie Lazaro/MANILA BULLETIN)
