Manamnama a maanamongan ti singasing a nailian a badiet para iti 2025 sakbay nga agleppas ti Kongreso inton Disiembre 20, ken mayawat iti Malakanyang tapno pirmaan ni Presidente Ferdinand Marcos Jr.
Daytoy ti kinuna ni Senate Presidente Francis "Chiz" Escudero ita, Oktubre 2, iti maysa a press briefing.
Kinuna ni Escudero nga impasigurado kenkuana ni daulo ti Senate Committee on Finance Chairperson Senator Grace Poe ken ti Legislative Budget Research and Monitoring Office ti Senado a mairingpasda amin a bista ti komite itoy a bulan bayat nga agin-inana ti Kamara.
Segun iti Kamara, mayawatda ti bersionda ti 2025 General Appropriations Bill (GAB) iti Senado inton Oktubre 25.
Mangnamnama ni Marcos iti pannakaisubli ti panangipateg ni Pinoy iti arte a Filipino
Patien ni Escudero a kabaelanda nga iringpas ti plenary debate ti Senado iti las-ud ti dua a lawas. Kalpasanna, matingiting manen ti 2025 GAB iti bicameral conference nga agpaut iti dua a lawas. (Wilnard Bacelonia/PNA//Lito Hilidon/Bannawag)
