Gapu ta bassit pay laeng ti nagidatag, natalna ti umuna nga aldaw ti panagipila iti Certificate of Candidacy (COC) dagiti agngayangay a kandidato iti 2025 midterm elections, segun iti Commission on Elections (Comelec) itay Oktubre 1.
Kinuna ni Chairman ti Comelec George Erwin Garcia a maibatay iti panang-monitor-da iti entero a pagilian, naannayas ti panagipila iti CoC nangruna ket bassit pay laeng ti bilang dagiti nagidatag.
Maaramid ti panagipila iti CoC agingga inton Oktubre 8, kagiddan ti panagipila iti Certificates of Nomination and Acceptance of Nomination (CON-CAN).
Maibatay iti Resolution No. 10999 ti Comelec, mangrugi ti panawen ti eleksion inton Enero 12 ken agleppas inton Hunio 2025.
Kasasaad iti Indo-Pacific a rehion, pakaseknan ti sangalubongan
Iti las-ud ti election period, maipatungpal ti gun ban iti entero a pagilian.
Maikkan iti 90 nga aldaw nga agkampania dagiti kandidato para iti nailian nga akem, kas kadagiti senador ken party-list (manipud Pebrero 11 agingga Mayo 10, 2025). Maikkan met iti 45 nga aldaw nga agkampania dagiti kandidato kadagiti lokal a posision, manipud iti Marso 28 agingga iti Mayo 10, 2025.
Maangay ti eleksion inton Mayo 12, 2025. (Dhel Nazario/Manila Bulletin//Lito Hilidon/Bannawag)
