Impakaammo ti militar ti Estados Unidos (US) a simmangpeten ti baro a bunggoy ti soldado ti US tapno agsanay a kadua dagiti soldado a Filipino kas panangpatibker iti singgalut ti panagtitinnulong dagiti napateg a kaaliado ken kaasmang iti rehion.
Addan iti pagilian dagiti kameng ti US Marines ken marinero a paset ti maikatlo nga annual rotational deployment of Marine Rotational Force-Southeast Asia (MRF-SEA).
Mayusuat ti innem a a bulan nga MRF-SEA Forces iti rehion babaen ti panagsanay a kaduada dagiti soldado a Filipino para iti SAMASAMA ken KAMANDAG 8 Exercises manipud Oktubre 7 agingga 24.
Kinuna ti militar ti US a ti pannakaibaon dagiti baro a bunggoy nga agsanay ti mangparayray iti epektibo a panagtinnnulong dagiti puersa ti US ken Filipinas.
Filipinas, New Zealand, agpirma iti tulag ti depensa
Pagtalinaeden pay ti puersa ti US Marine Corps ti kaaddada iti rehion bayat ti panagsubli ti Marine Rotational Force-Darwin iti US manipud iti Australia ken panangtulong iti panagtalianed ti wayawaya iti Indo-Pacific. (Joseph Pedrajas/Manila Bulletin//Lito Hilidon/Bannawag)
