Impila ni Doc Liza Ong, asawa ni Doc Willie Tan Ong, ti certificate of candidacy (COC) para senador ti nalatak a doctor-vlogger ita a Huebes, Oktubre 3, iti pagipilaan iti kandidatura ti COMELEC iti The Manila Hotel Tent City.
Kadua ni Doc Liza ti legal counsel-na ken ti senatorial candidate a ni Wilbert Lee.
Impakaammo itay nabiit ni Doc Willie, maysa a cardiologist ken internist, ti panagtarayna a kas senador iti laksid ti madama a panagpapaagasna iti sakitna a sarcoma cancer. Na-diagnose pay idi Septiembre 16, 2024 nga addaan iti neutropenic sepsis.
Immuna a nagkandidato a para senador ni Doc Willie idi 2019, sa timmaray a para a bise presidente a running mate ni Isko Moreno idi 2022. (MJ Salcedo/Balita//Roy V. Aragon/Bannawag)
Nasional
