Ni Bise Gobernador Boy Vargas iti panangipilana iti COC-na, a kinadua ti kaayan-ayatna (iti kanigidna) a ni Celine Pialago. (Ladawan manipud iti FB Page ni VG Boy Vargas)

Ni Dra. Zarah Lara. (Ladawan manipud iti Bloggers of Tuguegarao FB Page)

Dua kadagiti papili a para gobernador ti probinsia ti Cagayan ti nangipilan iti certificates of candidacy-da (COC) iti COMELEC--da agdama a Bise Gobernador Melvin "Boy" Vargas Jr. ken Dra. Zarah De Guzman-Lara.

Bokal iti Maikadua a Distrito ti Cagayan ni Vargas manipud 2007 agingga iti 2016. Nangabak idi 2016 a kas bise gobernador, sa idi 2019 iti maikadua a termino, ken idi 2022 iti maudi a termino.

Maikadua metten a gundaway daytoy a panagkandidato ni Lara (asawa ti agdama a diputado ti Maikatlo a Distrito a ni Jojo Lara) a para gobernador. Kinasangona idi 2022 ni agdama a Gobernador Manuel Mamba.

Masegseggaan met no asino pay dagiti mangipila iti kandidaturada para gobernador. Mapapati a tumaray met ni dati a PNP Chief Gen. Edgar Aglipay, ken mabalin a pati ni Atty. Mabel Villarica-Mamba (asawa ni Gob. Mamba). (BANNAWAG News Team)

Lokal

Ilocos Sur, Umuna a Puesto iti Regional SubayBAYANI Awards