Tapno maipangpangruna ti pagsayaatan dagiti mannursuro a Filipino kadagiti para iti publiko a pagadalan, impakaammo ti Department of Education (DepEd) nga inruardan ti pagannurotan iti panangipatungpal iti pannakailawlawag iti trabahoda ken ti mabayadan a nasurok nga oras ti panagisuro.
Impaulog ti DepEd ti Implementation Guidelines for the Rationalization of Teachers' Workload in Public Schools and Compensation for Teaching Overload through DepEd Order No. 005, s. 2024, kas maitunos iti bilin ni Presidente Ferdinadn Marcos Jr. tapno maipangpangruna ti pagimbagan dagiti mannursuro a Filipino.
Inlawlawag ti DepEd nga ipaganetget ti baro a memorandum a saan a kasapulan nga agisuro ti mannursuro iti nasurok nga innem nga oras tunggal aldaw, kas mayanatup iti Magna Carta for Public School Teachers (Republic Act No. 4670).
Kinuna pay ti DepEd a maysa nga implementation team, nga idauluan ti Assistant Schools Division Superintendent, tapno mangiwanwan iti pannakaipatungpal ti polisia iti amin a pagadalan. (Merlina Hernando-Malipot/Manila Bulletin//Lito Hilidon/Bannawag)
