Nagipila iti Certificate of Candidacy (CoC) ni dati a Gobernador ti Nueva Vizcaya Ruth Raña Padilla kas agngayangay a Diputado ti Lone District ti Nueva Vizcaya ita, Oktubre 3, 2024.
Iti paskilna iti Facebook, kinuna ni Padilla a kayatna nga itultuloy ti narugian ni dati a Gobernador Carlos Padilla a pimmusay idi 2023.
Kinuna ni Padilla a sisasagana a mangidiaya iti bagina nga agserbi kadagiti Novo Vizcayano.
Kadua ni Padilla a nagipila iti CoC da Atty Jose "Jing" Gambito (para Gobernador) ken Patricio F. Dumlao Jr. (para Bise-Gobernador).
Ilocos Sur, Umuna a Puesto iti Regional SubayBAYANI Awards
Nagipila met iti CoC dagiti agngayangay a Board Member a da Emerlene Jane Martinez Galanta, Leonard Clem Cadoy, Atty. Paul Ligmayo, Adonis Lejao, ken Jun Padilla iti South District; ken da Eunice Galima Gambol, Atty. Primo Percival Marcos, Wilson Salas, Flodemonte Gerdan, ken Theodore Omar Santos iti North District. (Bannawag News Team)
