Rinugian nga inwayat ti Philippine Air Force (PAF) ken ti Japan Air Self-Defense Force (JASDF) itay Oktubre 3 ti bilateral training exercise a mangpasayaat iti kabaelan dagiti dua a pagilian nga agresponde iti panawen ti didigra ken emerhensia.
Maysa nga air force drill ti Doshin-Bayanihan 2024 a mangipangpangruna iti panagsanay para iti humanitarian assistance and disaster response (HADR). Naangay ti panglukat a seremonia iti Brigadier General Benito N. Ebuen Air Base iti Siudad ti Lapu-Lapu, Cebu.
Indauluan ni Lt. Col. Shotaro Arai ti 1st Tactical Airlift Wing, JASDF dagiti delegado a Hapon.
Maangay ti panagsanay ti militar kalpasan a napirmaan ti Japan-Philippines Reciprocal Access Agreement (RAA) idi Hulio 8.
Mangnamnama ni Marcos iti pannakaisubli ti panangipateg ni Pinoy iti arte a Filipino
Ti Filipinas ti maikatlo a pagilian nga addaan iti RAA iti Japan, kalpasan ti Australia ken United Kingdom. (Martin Sadongdong/Manila Bulletin//Lito Hilidon/Bannawag)
